Heim te ho mor ❤️

 Vart ikkje noko oppdatert postkort i går. Moderen hadde skjønt tegninga litt for tidleg då 😜

Det var ingen rundkøyring på Røros, så om du ikkje skulle te Sverige eller lengre nord, så var det å legge i veg på same vegen som me kom, og legge i veg sør vestleg retning. Reiseradioen på, te i koppen, sola skin - godfølelsen var på plass umiddelbart. I Alvdal vart det stopp for vask av bil som hadde mange liv på samvittighet - dvs i fronten. Medan Stanley vaska bil, sat eg å nøyt sola og talte tømmerbilar som suste forbi. Rett borti gata var Flåklypa og Flåklypa-museumet. Me droppa besøk der denne gong. Fant oss ein knallfin plass oppe på fjellet mellom Folldal og Hjerkinn der vi parkerte for dagen og natta. Det er så mange fine plassar for fricamping i fjellheimen, og det er mange som benytta seg av det. Sola varma godt og grilla vart vi! Jepp - hadde gløymt at solkremen heime og det fekk vi svi for 😜 Og det var mygg der! Dei surra rundt Stanley heile ettermiddag og kvelden, men den som endte med flest myggstikk var undertegna...🦟🦟🦟🦟🦟🦟🦟🦟

I dag gjekk turen vidare mot Luster - heim te ho mor 🥰 Planen var egentlig å ta ei overnatting oppe på Sognefjellet, men den plassen me hadde tenkt oss var ikkje brøytt 😬 Rett og slett full av snø var det, og der det var plass var det allereie opptatt. Då var det rett og slett berre å gire ned, og gje seg i kast med bakkane nedover.

Her blir me nokre dagar før me snur nasen heimover, med rudleståvao fullasta med godsaker frå Lustrabui 🥰